Kanz al-Ummal: Hadith 1448

١٤٤٨۔۔ از مسند ابی ثعلبہ الخشنی ، ابی ثعلبہ سے مروی ہے وہ فرماتے ہیں کہ رسول اکرم ایک غزوہ سے واپس تشریف لائے اور مسجد میں داخل ہو کردوگانہ ادا کی۔ اور آپ کو یہ بات محبوب تھی کہ جب بھی سفر سے واپس تشریف لاتے تومسجد جاکر دو رکعت نماز ادا فرماتے ہیں، پھر حضرت فاطمہ کے ہاں تشریف لے جاتے پھر ازواج مطہرات کے ہاں جاتے تو اسی طرح ایک مرتبہ سفر سے واپسی کے بعد حضرت فاطمہ کے ہاں ازواج مطہرات سے قبل تشریف لے گئے۔ پہنچے تو دروازے پر ہی حضرت فاطمہ سے سامنا ہوگیا۔ حضرت فاطمہ آپ کے چہرہ انور کو بوسہ دینے لگیں اور دوسرے الفاظ میں آپ کے دہان منہ مبارک اور آنکھوں کو بوسہ دینے لگیں، اور ساتھ میں رونے لگیں اور آپ کے کپڑے بھی بوسیدہ ہوچکے ہیں۔ آپ نے فرمایا اے فاطمہ مت رو، بلاشک اللہ نے تیرے والد کو ایسے امر پر مبعوث فرمایا ہے کہ روئے زمین پر کوئی ایساگھر باقی نہ رہے گا، کچانہ پکا، مگر اللہ اس میں اسلام کو ضرور داخل فرمائیں گے معزز کی عزت کے ساتھ اور ذلیل کی ذلت کے ساتھ حتی کہ یہ اسلام وہاں تک جاپہنچے گا جہاں تک کہ رات اپنے تاریکی کے پردے ڈالتی ہے۔ الکبیر للطبرانی، الحلیہ، المستدرک للحاکم۔