Kanz al-Ummal: Hadith 1462

١٤٦٢۔۔ اسامہ بن زید سے مروی ہے کہ میں نے اور ایک انصاری شخص نے مرداس بن نہیک پر تلوار سونت لی اس نے کہا، اشھد ان لاالہ الا اللہ، لیکن ہم اس سے ہٹے نہیں۔ حتی کہ ہم نے اس کو قتل کرڈالا، پھر جب ہم رسول اللہ کے پاس پہنچے تو آپ کو اس کی خبر دی آپ نے فرمایا اے اسامہ لاالہ الا اللہ ، کے مقابلہ میں تیرا کون ساتھ دے گا، میں نے عرض کیا اس نے قتل سے بچاؤ کے لیے یہ کہا تھا، آپ نے پھر فرمایا، اے اسامہ، لاالہ الا اللہ ، کے مقابلہ میں تیرا کون ساتھ دے گا، حضرت اسامہ فرماتے ہیں کہ اس ذات کی قسم آپ اسی بات کو دھراتے رہے حتی کہ میرے دل میں تمناپیدا ہوئی کہ کاش میں اس سے قبل اسلام کی حالت میں نہ ہوتا بلکہ اسی دن اسلام قبول کرتا، اور اس طرح یہ قتل مجھ سے سرزد نہ ہوتا پھر میں نے رسول اللہ کو یہ عہد دیا کہ آئندہ میں کسی ، لاالہ الا اللہ ، کے قائل کو ہرگز قتل نہ کروں گا، آپ نے فرمایا میرے بعد، اے اسامہ۔ میں نے عرض کیا جی آپ کے بعد۔ ابن عساکر۔