Kanz al-Ummal: Hadith 1479

١٤٧٩۔۔ ازمسند ابوبکر صدیق (رض)۔ طاؤوس سے مروی ہے کہ حضور نے عیینہ بن حصین کو زمین کا ایک ٹکڑا بطور جاگیر کے عطا فرمایا تھا لیکن جب حضور کی وفات کے بعد عیینہ دوبارہ کافر ہوگیا تو حضرت ابوبکر نے وہ زمین اس سے واپس لے لی۔ عیینہ دوبارہ مسلمان ہوگیا اور حضرت ابوبکر کے پاس آیا تاکہ جاگیر دوبارہ واپس لے ۔ حضرت ابوبکر نے ایک رقعہ حضرت عمر کے نام لکھا کہ اس کو اس کی زمین واپس کردی جائے یہ شخص حضرت عمر کے پاس وہ خط لے کر پہنچا تو حضرت عمر نے وہ خط پھاڑ دیا اور فرمایا اگر تم اسلام سے مرتدنہ ہوتے تو تم کو زمین ضرور مل جاتی لیکن اب زمین واپس نہیں ہوسکتی۔ عیینہ حضرت ابوبکر کے پاس گیا اور کہنے لگا کہ امیر آپ ہیں یا وہ عمر ؟ انھوں نے وہ خط پھاڑ دیا ہے حضرت ابوبکر نے فرمایا ان شاء اللہ امیروہی ہیں۔ انھوں نے جو فیصلہ کیا وہ میرے اور تمہارے دونوں کے لیے بہتر اور سود مند ہے۔ المصنف لعبدالرزاق۔