Kanz al-Ummal: Hadith 1484

١٤٨٤۔۔ ابی عون محمد بن عبیدالثقفی ، حضرت عمر حضرت علی (رض) سے روایت کرتے ہیں دونوں نے فرمایا جب کوئی شخص مسلمان ہوجائے اور وہ زمین کا مالک ہو تو ہم اس سے جزیہ لیناختم کردیں گے فقط زمین کا خراج وصول کریں گے ۔ ابن ابی شیبہ۔ مسلمان کفار پر طاقت کے بل غلبہ حاصل کرلیں اور علاقہ کو فتح کرلیں تو امام وقت کو دواختیار حاصل ہوتے ہیں ایک تو یہ کہ کافروں سے زمین لے لے اور مسلمانوں میں تقسیم کردے ۔ دوسراختیار یہ ہوتا ہے کہ کافروں کو ہی زمین واپس کردے اور ان کے افراد پر فردا فردا کچھ لازم کردے اور ان کی زمینوں پر خراج لازم کردے یعنی پیداوار میں سے کچھ حصہ۔ بدایہ، ج ١۔ ص، ١١٦۔