Kanz al-Ummal: Hadith 1526

١٥٢٦۔۔ از مسند عوف بن مالک الاشجعی۔ عوف بن مالک الاشجعی سے مروی ہے کہ ہم نویا آٹھ یاسات افراد رسول اللہ کے پاس حاضر خدمت تھے ۔ آپ نے فرمایا کیا تم اللہ کے رسول سے بیعت نہیں ہوتے۔ یہ بات آپ نے تین مرتبہ دھرائی ۔ ہم نے عرض کیا یارسول اللہ ہم آپ سے پہلے بیعت ہوچکے ہیں اب دوبارہ کس بات پر بیعت ہوں ؟ فرمایا یہ کہ تم اللہ کی عبادت کرو گے اس کے ساتھ کسی کو شریک نہ گردانو گے پنجگانہ نمازوں کا اہتمام کرو گے پھر آپ نے آہستہ آواز سے فرمایا اور یہ کہ کبھی کسی کے آگے دست سوال دراز نہ کرو گے۔
عوف بن مالک فرماتے ہیں کہ میں نے اس کے بعد ان ساتھیوں میں سے کسی کو نہیں دیکھا کہ اس کا کوڑا نیچے گرا ہو اور اس نے کسی اٹھانے کے لیے کہا ہو۔ الرویانی ، ابن جریر ابن عساکر۔