Kanz al-Ummal: Hadith 1581

١٥٨١۔۔ ازمسند محمد بن عطیہ بن عروہ السعدی، ابن عساکر، فرماتے ہیں کہ منقول ہے محمد بن عطیہ کو عروہ بن محمد السعدی سے ملاقات حاصل ہے لہٰذا دونوں کے درمیان انقطاع نہ ہوگا اور عروہ اپنے والد محمد سے روایت کرتے ہیں کہ ایک انصاری حضور کی خدمت میں حاضر ہوا اور عرض کیا یارسول اللہ میں ایک عورت سے نکاح کرنے کا خواہش مند ہوں سو میرے لیے دعا فرمائیے، آپ نے اس سے اعراض فرمایا اس نے تین مرتبہ کہا اور ہر مرتبہ آپ نے اعراض فرمایا، پھر آپ اس کی طرف متوجہ ہوئے اور فرمانے لگے کہ اگر اسرافیل (علیہ السلام) جبرائیل میکائیل اور حاملین عرش مجھ سمیت تیرے لیے دعامانگیں تب بھی تیرا نکاح اسی عورت سے ہوگا جو تیرے لیے لکھ دی گئی ہے ابن مندہ حدیث غریب ہے۔ ابن عساکر۔