Kanz al-Ummal: Hadith 1621

١٦٢١۔۔ صلہ بن زفر سے مروی ہے کہ ہم نے حضرت حذیفہ (رض) سے دریافت کیا کہ تم نے منافقین کو کی سے جان لیا ؟ جب کہ نبی کے اصحاب میں سے کوئی ان کونہ جان سکا، حتی کہ ابوبکر (رض) وعمر بھی اس سے لاعلم رہے ؟ فرمایا کہ ایک مرتبہ میں رسول اللہ کے پیچھے چلاجارہا تھا تو آپ اپنی سواری ہی پر سوگئے ۔ میں نے کچھ لوگوں کوسنا کہ اگر م اس اگر ہم اس محمد کو سواری سے گرادیں تو اس کی گردن ٹوٹ جائے گی اور اس طرح ہم اس سے آرام پاجائیں گے تو یہ سن کر میں ان کے اور آپ کے درمیان چلنے لگا اور باآواز بلند قرات کرنے لگا حتی کہ رسول اللہ بیدار ہوگئے اور آپ نے دریافت فرمایا یہ کون ہے ؟ میں نے عرض کیا حذیفہ۔ آپ نے پھر دریافت کیا اور یہ کون ہے میں نے ان کو گنواتے ہوئے کہا فلاں فلاں۔۔ آپ نے دریافت فرمایا اور وہ جو کچھ کہہ رہے تھے تم نے سنا ؟ میں نے عرض کیا جی اور اسی وجہ سے میں آپ کے اور ان کے درمیان چلنے لگا آپ نے فرمایا یہ منافق فلاں فلاں اور تم کسی کو بتانامت۔ الکبیر للطبرانی (رح)۔
حضور نے حضرت حذیفہ کو منافقین کے نام بتادیے تھے اور یہ اس وجہ رسول اللہ کے رازداروں کہلاتے تھے۔