Kanz al-Ummal: Hadith 1632

١٦٣٢۔۔ ابراہیم النخعی سے مروی ہے کہ فرمایا کہ کوفہ میں ایک شخص دانیال (علیہ السلام) کی کتابیں تلاش کرتا تھا اور یہ اس کی عادت تھی تو اس کے بارے میں حضرت عمر کی طرف سے حکم آیا کہ اس کو ان کے پاس پیش کیا جائے تو یہ شخص حضرت عمر کی خدمت میں پہنچا آپ نے اس پر درہ اٹھالیا اور یہ آیات تلاوت فرمانے لگے۔ الر تلک آیات الکتاب المبین۔۔ تا۔۔ الغافلین۔ اس نے کہا میں حضرت عمر کا مقصود سمجھ گیا اور عرض کرنے لگا اے امیرالمومنین مجھے چھوڑ دیجئے اللہ کی قسم میں ان کتابوں میں سے کوئی کتاب نذرآتش کیے بغیر نہ چھوڑوں گا پھر آپ نے چھوڑ دیا۔ المصنف لعبدالرزاق ، ابن لضریس فی فضائل القرآن، العکسری فی المواعظ، الخطیب۔