Kanz al-Ummal: Hadith 1736

١٧٣٦۔۔ الاصبغ بن نبلہ سے مروی ہے کہ ہم حضرت علی بن ابی طالب کے پاس بیٹھے ہوئے تھے کہ آپ کے پاس ایک یہودی حاضر ہوا اور کہنے لگایا امیرالمومنین اللہ کب سے موجود ہوا ؟ ہم اس کی طرف لپکے اور اس قدر اس کو زودوکوب کیا کہ قریب تھا کہ اس کی جان لے بیٹھتے ۔ حضرت علی نے فرمایا اس کو چھوڑ دو ۔ پھر خود اس سے مخاطب ہوئے کہ اے یہود کے بھائی جو میں تجھے کہوں اس کو اپنے کانوں سے سن لو، اور دل میں اس کو محفوظ رکھ میں تجھے تیری کتاب ہی سے جو موسیٰ بن عمران لے کر آئے ہیں جواب دوں گا اگر تو نے اپنی کتاب پڑھ کر یاد کررکھی ہوگی تو میری بات کو اس کی مانند پائے گا۔
سن، ، وہ کب وجود میں آیا، یہ اس ذات کے متعلق پوچھا جاسکتا ہے جو پہلے موجود نہ ہو، پھروجود میں آئی ہو، بہرحال جو ہستی لازوال ہو، وہ بغیر کسی کیفیت کے ہوتی ہے اور بغیر حدوث وجود میں آئے موجود ہوتی ہے وہ ہمیشہ سے لازوال ہے وہ ابتدا سے بھی پہلے سے ہے اور انتہاء سے بھی آخر میں ہے وہ بغیر کسی کیفیت وغایت انتہاء کے لازوال ہے اس پر تمام غایات منقطع ہوجاتی ہیں وہ ہر غایت کی غایت ہے۔ اس بات کو سن کر یہودی روپڑا اور اعرض کیا یا امیرالمومنین اللہ کی قسم ! یہ بات حرفا توراۃ میں موجود ہے سوا اب شہادت دیتاہوں کہ اللہ کے سوا کوئی معبود نہیں اور محمداللہ کے بندے اور اس کے رسول ہیں۔ الاصبہانی فی الحجہ۔