Kanz al-Ummal: Hadith 17773

17773 ۔۔۔ ابن شہاب (زہری (رح)) سعید بن المسیب (رح) سے روایت سے روایت کرتے ہیں کہ سیدنا حضرت عمر ابن خطاب (رض) نے جب ان تین لوگوں پر حد تہمت جاری کی جنہوں نے حضرت مغیرہ (رض) پر (جھوٹی) شہادت دی تھی ، اس کے بعد آپ (رض) نے ان تینوں سے توبہ کرنے کو فرمایا ۔ لہٰذا دو حضرات نے تو رجوع کرلیا (اور توبہ کرلی ، جس کے نتیجہ میں) سیدنا حضرت عمر ابن خطاب (رض) نے ان دونوں کو مقبول الشہادت قرار دیا جب کہ حضرت ابوبکرۃ (رض) نے انکار کردیا ۔ (اس بناء پر کہ وہ اپنی شہادت کو سچا سمجھتے رہے) لہٰذا سیدنا حضرت عمر ابن خطاب (رض) نے ان کو مردود الشہادۃ قرار دے دیا ۔ (الشافعی ، عبدالرزاق ، بخاری ، مسلم)