Kanz al-Ummal: Hadith 1832

١٨٣٢۔۔ غافلین کے درمیان اللہ کا ذکر کرنے والے کی مثال یوں ہے جیسے غازیوں کے ہمراہ قتال کرنے والے کی۔ اور غافلین کے درمیان اللہ کا ذکر کرنے والے کی مثال ایسی ہے جیسے تاریک گھر میں چراغ۔ اور غافلین کے درمیان اللہ کا ذکر کرنے والے کی مثال اس سرسبز شاداب درخت کی سی ہے جو پت جھڑ درختوں کے جھنڈ میں ہو جن کے پتے سردی کی وجہ سے جھڑ گئے ہوں اور غافلین کے درمیان اللہ کا ذکر کرنے والے کو اللہ تعالیٰ جنت میں اس کا ٹھکانا بھی شناخت کروا دیتے ہیں ، اور غافلین کے درمیان اللہ کا ذکر کرنے والے کی اللہ تعالیٰ ہر انسان وجانور کی تعداد برابر مغفرت فرماتے ہیں۔ الحلیہ، بروایت ابن عمر (رض)۔ حدیث ضعیف ہے۔ دیکھئے، ذخیرۃ الحفاظ ص ٢٩٠٩، الکشف الٰہی ص ٣٩٧۔۔