Kanz al-Ummal: Hadith 1865

١٨٦٥۔۔ اللہ نے حضرت موسیٰ کو وحی کی اے موسیٰ کیا تو چاہتا ہے کہ میں تیرے ساتھ تیرے گھر میں رہوں ؟ حضرت موسیٰ اللہ کے آگے سرسجدہ میں گرپڑے اور عرض کیا پروردگار آپ میرے ساتھ میرے گھر میں رہیں گے ؟ اللہ تعالیٰ نے فرمایا اے موسیٰ کیا تجھے علم نہیں کہ جو میرا ذکر کرتا ہے میں اس کے ساتھ ہوتاہوں اور بندہ جہاں کہیں مجھے تلاش کرلیتا ہے پالیتا ہے۔ ابن شاھین، فی الترغیب فی الذکر، بروایت جابر (رض)۔ اس میں ایک راوی محمد بن جعفر المدائنی ہے۔ امام احمد فرماتے ہیں کہ میں اس سے کبھی روایت نہیں کرتا، اور محمد بن جعفر المدائنی سلام بن مسلم المدائنی سے روایت کرتے ہیں اور ان کی روایت زید العمی سے روایت کرتے ہیں جو قوی نہیں ہے۔