Kanz al-Ummal: Hadith 18663

18663 ۔۔۔ حضرت انس بن مالک (رض) سے مروی ہے کہ آپ کی کسی زوجہ مطہرہ نے آپ کو ہدیہ میں ایک ثرید کا پیالہ بھیجا ۔ آپ اس وقت کسی اور زوجہ مطہرہ کے گھر میں مقیم تھے ۔ اس بیوی نے اسی پیالہ پر ہاتھ مار کر اس کو گرا دیا جس سے پیالہ ٹوٹ گیا ۔ حضور اکرم (صلی اللہ علیہ وآلہ وسلم) ثرید ہاتھ سے اٹھا اٹھا کر پیالے میں ڈالنے لگے اور ساتھ میں فرماتے رہے تمہاری ماں مرے کھاؤ ، پھر آپ نے کچھ توقف فرمایا حتی کہ وہی بیوی دوسرا سالم پیالہ لے آئی ۔ آپ نے وہ پیالہ لے کر اس بیوی کو بھیج دیا جس کا پیالہ ٹوٹا تھا ۔ (مصنف ابن ابی شیبہ) فائدہ : ۔۔۔ یہ حضور اکرم (صلی اللہ علیہ وآلہ وسلم) کی محبت کی وجہ سے بیویوں کے آپس میں غیرت کا معاملہ تھا ، اس بیوی سے یہ برداشت نہ ہوا کہ حضور میرے پاس ہوتے ہوئے کسی اور بیوی کے کھانے کو بھی تناول فرمائیں ۔ (رض) ۔