Kanz al-Ummal: Hadith 18759

18759 ۔۔۔ ابن جریج (رح) اپنے والد سے روایت کرتے ہیں کہ صحابہ کرام رضوان اللہ تعالیٰ عنہم اجمعین کو حضور اکرم (صلی اللہ علیہ وآلہ وسلم) کی قبر کی جگہ کے بارے میں تردد ہوا ۔ سیدنا حضرت ابوبکر صدیق (رض) نے فرمایا : میں نے حضور اکرم (صلی اللہ علیہ وآلہ وسلم) کو ارشاد فرماتے ہوئے سنا ہے کہ نبی اپنی جگہ سے نہیں ہٹایا جاتا بلکہ جہاں اس کی موت آتی ہے وہیں اس کو دفن کیا جاتا ہے۔ چنانچہ آپ کے بستر کو ہٹا کر وہاں قبر کھودی گئی ۔ (مصنف ابن ابی شیبہ ، مسند احمد) کلام : ۔۔۔ امام ابن کثیر (رح) فرماتے ہیں یہ روایت اس طریق سے منقطع الاسناد ہے کیونکہ ابن جریج کے والد جریج میں ضعف ہے اور انھوں نے سیدنا حضرت ابوبکر صدیق (رض) کا زمانہ نہیں پایا ہے۔