Kanz al-Ummal: Hadith 18800

18800 ۔۔۔ حضرت عروہ (رح) سے مروی ہے کہ حضرت عائشۃ صدیقہ (رض) نے فرمایا : نبی (صلی اللہ علیہ وآلہ وسلم) کی وفات ہوئی تو آپ کو تین یمنی کپڑوں میں کفن دیا گیا ۔ دوسرے الفاظ یہ منقول ہیں : سفید سوت سے بنی ہوئی چادر میں کفن دیا گیا ۔ جس میں قمیص تھی اور نہ عمامہ ۔ حضرت عروہ (رح) فرماتے ہیں : آپ (صلی اللہ علیہ وآلہ وسلم) کا ایک جوڑا تھا جو نبی (صلی اللہ علیہ وآلہ وسلم) کے کفن کے لیے ہی خریدا گیا تھا ۔ لیکن پھر اس کو چھوڑ دیا گیا ، بلکہ دوسرے تین سفید سوتی کپڑوں میں کفن دیا گیا ۔ حضرت عائشۃ صدیقہ (رض) فرماتی ہیں : پھر عبداللہ بن ابی بکر نے وہ جوڑا لے لیا اور کہا کہ میں اس کو اپنے پاس رکھتا ہوں تاکہ مجھے اس میں کفن دیا جائے ۔ لیکن پھر خود ہی ان کو خیال آیا اور کہنے لگے کہ اگر اس کپڑے میں کوئی خیر ہوتی تو اللہ پاک اپنے نبی کو اس میں ضرور کفناتے ۔ لہٰذا انھوں نے وہ بیچ دیا اور اس کی قیمت راہ خدا میں صدقہ کردی ۔ (رواہ ابن سعد)