Kanz al-Ummal: Hadith 18813

18813 ۔۔۔ عن جعفر بن محمد عن ابیہ عن جدہ کی سند سے مروی ہے کہ سیدنا حضرت علی المرتضی (رض) نے حضور اکرم (صلی اللہ علیہ وآلہ وسلم) کو غسل دیا ، عباس (رض) پانی ڈالتے جا رہے تھے ، اسامہ اور شقران (رض) دروازے کی حفاظت پر مامور تھے ۔ جب غسل دینے سے فارغ ہوئے تو حضرت عباس (رض) نے فرمایا : رنج کا مقام ہے کہ ہم رسول اللہ (صلی اللہ علیہ وآلہ وسلم) کو مٹی میں ڈالیں ۔ لہٰذا میں آپ کے لیے ایک صندوق تیار کراتا ہوں اور اس (میں آپ کو لٹا کر) صدوق کو اپنے گھر کے کونے میں رکھ لوں گا ۔ پس جب مجھے رنج وغم ہوگا تو میں آپ کو دیکھ لیا کروں گا ۔ سیدنا حضرت علی المرتضی (رض) نے حضرت عباس (رض) کو فرمایا : اے چچا جان ! کیا آپ نے رسول اللہ (صلی اللہ علیہ وآلہ وسلم) کو اپنی اولاد کو دفن کرتے نہیں دیکھا ؟ پھر آپ (رض) نے یہ آیت تلاوت فرمائی : (آیت)” منھا خلقنا کم وفیھا نعیدکم ومنھا نخرجکم تارۃ اخری “۔ سی (زمین) سے ہم نے تم کو پیدا کیا ہے اور اسی میں ہم تم کو لوٹائیں گے اور اسی سے ہم تم کو دوبارہ نکالیں گے ۔ پھر یہ آیت تلاوت فرمائی : (آیت)” الم نجعل الارض کفاتا احیاء وامواتا “۔ کیا ہم نے زمین کو زندوں اور مردوں (سب) کے لیے کفایت کرنے والی نہیں کردیا ۔ بھی لوگ اسی طرح کی باتوں میں مصروف تھے کہ گھر کے کونے سے ایک غیبی آواز آئی : لسلام علیکم اے گھر والو ! (آیت)” کل نفس ذائقۃ الموت وانما یوفون اجرھم بغیر حساب “۔ ہر جی کو موت کا مزہ چکھنا ہے اور لوگوں کو ان کا اجر بغیر حساب کے پورا پورا دیا جائے گا ۔ پھر سیدنا حضرت علی المرتضی (رض) نے حضرت عباس (رض) کو فرمایا : اے رسول اللہ کے چچا ! آپ کیا خیال کرتے ہیں کہ اللہ نے اپنے نبی کے ساتھ ان کی زبان پر کیا کیا وعدے کیے ہیں ؟ پھر حضرت عباس (رض) نے فرمایا : اے علی ! میں نے رسول اللہ (صلی اللہ علیہ وآلہ وسلم) کو ارشاد فرماتے ہوئے سنا ہے : انبیاء کی قبریں انھیں کے (مرنے کے) بستروں کی جگہ ہوتی ہیں۔ پھر لوگوں نے آپ کو دو قمیصوں میں کفن دیا ایک قمیص دوسری سے کچھ باریک تھی ۔ اور آپ پر سیدنا حضرت علی المرتضی (رض) اور حضرت عباس (رض) نے ایک صف میں کھڑے ہو کر نماز پڑھی اور حضرت عباس (رض) نے آپ پر پانچ تکبیریں ادا فرمائیں ۔ اور آپ کو دفن کیا (ابن معروف وفی عبدالصمد)