Kanz al-Ummal: Hadith 19011

19011 ۔۔۔ کوئی بندہ اللہ کے لیے ایک سجدہ نہیں کرتا مگر اللہ پاک اس کے بدلے اس کے لیے ایک نیکی لکھ دیتے ہیں ، ایک برائی مٹا دیتے ہیں اور ایک درجہ بلند فرما دیتے ہیں۔ لہٰذا سجدوں کی کثرت کرو ۔ (ابن ماجۃ ، سمویہ ، الکبیر للطبرانی السنن لسعید بن منصور ، عن عبادۃ بن الصامت) فائدہ : ۔۔۔ سجدہ تلاوت کے سوا خالی سجدہ کرنا منقول نہیں اور ان تمام احادیث کا مطلب نماز پڑھنا ہے۔ یعنی کثرت کے ساتھ نماز پڑھو ، نماز کی فضیلت ہی میں یہ احادیث ذکر کی گئی ہیں۔ (واللہ اعلم بالصواب) کلام : ۔۔۔ زوائد ابن ماجہ میں ہے کہ عبادۃ کی حدیث کی سند ضعیف ہے کیونکہ اس میں ولید بن مسلم راوی مدلس ہے۔