Kanz al-Ummal: Hadith 19214

19214 ۔۔۔ جب کوئی کھڑا ہو کر نماز پڑھے تو اس کو کجاوے کی طرح کوئی بھی لکڑی چھپا سکتی ہے ، اگر ایسی کوئی لکڑی نہ ملے تو اس کی نماز کو گدھا ، عورت اور کالا کتا فاسد کر دے گا ، کالے اور سرخ کتے میں کیا فرق ہے ؟ ابوذر (رض) سے عرض کیا گیا : ارشاد فرمایا : یہ سوال تمہاری طرح میں نے بھی رسول اللہ (صلی اللہ علیہ وآلہ وسلم) سے کیا تھا تو آپ (صلی اللہ علیہ وآلہ وسلم) نے ارشاد فرمایا تھا : کالا کتا شیطان ہوتا ہے۔ (مسلم ، نسائی عن ابی ذر (رض)) فائدہ : ۔۔۔ جمہور احناف کے نزدیک نمازی کے آگے سے کسی جاندار کے گذرنے سے نماز فاسد نہیں ہوتی ، اور حدیث میں یہ تاکیدا حکم ارشاد فرمایا گیا ہے کیونکہ نماز میں خلل ضرور پیدا ہوتا ہے اور نمازی کا دھیان بٹ جاتا ہے۔ دیکھئے فقہی کتب میں کتاب الصلوۃ ، نیز ملاحظہ کریں 19219، اور 19206 ۔