Kanz al-Ummal: Hadith 19663

19663 ۔۔۔ ہر نماز جس میں ام الکتاب (سورة فاتحہ) نہ پڑھی جائے وہ ناقص اور ادھوری ہے۔ (مسند احمد ، ابن ماجہ عن عائشۃ (رض)، مسند احمد ، ابن ماجہ عن ابن عمر (رض) ، السنن للبیہقی عن علی (رض) ، التاریخ للخطیب عن ابی امامۃ (رض)) فائدہ : ۔۔۔ انفرادی نماز میں تو یہی حکم ہے جبکہ اجتماعی نماز میں جس طرح صرف امام کے آگے سترہ بقیہ تمام مقتدیوں کے لیے کافی ہے بالکل اسی طرح امام کا قرات کرنا خواہ نماز سری ہو یا جہری مقتدیوں کے لیے بھی کافی ہے۔ جیسا کہ بعض مرویات میں حضور اکرم (صلی اللہ علیہ وآلہ وسلم) کے پیچھے کسی نے قرات کی تو آپ نے نماز کے بعد خفگی کے ساتھ ارشاد فرمایا : کیا بات ہے مجھ سے قرآن پڑھنے میں جھگڑا کیوں کیا جاتا ہے۔ اسی طرح کی کثیر روایات اس بات پر دال ہیں کہ امام کا قرات کرنا تمام مقتدیوں کے لیے کافی ہے۔ (راجع الکتب الفقہیہ فی ذیل القرات)