Kanz al-Ummal: Hadith 199

١٩٩۔۔ جس شخص نے شہادت دی کہ اللہ کے سوا کوئی معبود نہیں اور محمد اللہ کے رسول ہیں اور نماز قائم کی، رمضان کے روزے رکھے تو اللہ کے ذمہ ہے کہ اس کی مغفرت فرمائیں خواہ وہ شخص ہجرت کرے یا اسی جگہ بیٹھا رہے جہاں اس کی ماں نے اس کو جنم دیا تھا، آپ سے کسی صحابی نے عرض کیا یارسول اللہ کیا میں لوگوں میں اس خوش خبری کا اعلان نہ کردوں ؟ آپ نے فرمایا نہیں لوگوں کو عمل کرنے دو ، بیشک جنت کے سو درجات ہیں۔ ہر دودرجوں کے درمیان آسمان و زمین کے درمیان جتنی مسافت ہے۔ اور سب سے اعلی درجہ جنت الفردوس ہے اسی پر عرش الٰہی قائم ہے۔ اور یہ جنت کے وسط میں ہے ، (اسی سے جنت کی نہریں پھوٹتی ہیں) اور جب تم اللہ سے کسی چیز کا سوال کروتو جنت الفردوس ہی کا سوال کرو الکبیر للطبرانی ، بروایت ابی بکر (رض) ۔