Kanz al-Ummal: Hadith 19974

19974 ۔۔۔ جب کوئی بندہ نماز میں کھڑا ہوتا ہے تو اللہ پاک اس کی طرف اپنے چہرے کے ساتھ متوجہ ہوجاتے ہیں۔ جب وہ ادھر ادھر متوجہ ہوتا ہے تو اللہ پاک فرماتے ہیں : اے ابن آدم ! کس کی طرف توجہ کرتا ہے ؟ کیا کسی ایسے کی طرف جو مجھ سے بہتر ہے ؟ میری طرف متوجہ ہوجا ۔ لیکن بندہ دوسری دفعہ جب پھر ادھر ادھر متوجہ ہوتا ہے تو اللہ پاک پھر یونہی ارشاد فرماتے ہیں ، لیکن جب تیسری بار بھی وہ (توجہ بٹاتا ہے اور) ادھر ادھر التفات کرتا ہے تو اللہ پاک اس سے اپنا چہرہ پھیر لیتے ہیں۔ (البزار عن جابر (رض)) کلام : ۔۔۔ اس روایت کی سند میں فضل بن عیسیٰ الرقاش ہے جس کے ضعیف ہونے پر تمام اہل علم کا اتفاق ہے۔ (مجمع الزوائد 2 ۔ 80)