Kanz al-Ummal: Hadith 20104

20104 ۔۔۔ اللہ عزوجل فرماتے ہیں : ہر نمازی درحقیقت نماز نہیں پڑھتا ، میں صرف اس شخص کی نماز قبول کرتا ہوں جو میری عظمت کے آگے جھک جائے ، میری حرام کردہ چیزوں سے اپنی خواہشات کو روک لے ، میری نافرمانی پر اصرار نہ کرے ، بھوکے کو کھانا کھلائے ، ننگے کو لباس پہنائے ، مصیبت زدہ پر رحم کرے ، پردیسی کو ٹھکانا دے ، یہ سب کچھ میرے لیے کرے ، پھر میری عزت کی قسم ! میرے جلال کی قسم ! اس کے چہرے کا نور میرے نزدیک سورج کے نور سے زیادہ روشن ہوگا ، اس کے ساتھ ساتھ میں اس کی جہالت کو اس کے لیے حلم وبردباری بنا دوں گا ، تاریکی کو اس کے لیے روشنی بنا دوں گا ، وہ مجھے پکارے گا تو میں اس کو لبیک کہوں گا ، وہ مجھ سے سوال کرے گا تو میں اس کو عطا کروں گا ، وہ مجھ پر قسم اٹھالے گا تو میں اس کی قسم پوری کروں گا ، میں اس کو اپنے قرب کا سہارا دوں گا اور میرے ملائکہ اس کی حفاظت کریں گے ، اس کی مثال میرے نزدیک اس جنت الفردوس کی ہے جس کا پھل کبھی خراب نہیں ہوتا اور اس جنت کی تروتازگی کبھی ماند نہیں پڑتی ۔ (الدیلمی عن حارثۃ بن وھب)