Kanz al-Ummal: Hadith 2041

2041 ۔۔۔ جب اللہ عزوجل نے جنت کو پیدا فرمایا، اس کے درخت وغیرہ سبحان اللہ والحمد للہ ولا الہ الا اللہ واللہ اکبر ولا حول ولا قوۃ الا باللہ قرار دیے۔ پھر جنت کو مخاطب ہو کر فرمایا اے جنت مومنین فلاح پا گئے تو مجھ سے کلام کر ! جنت حکم ربی سے گویا ہوئی آپ اللہ ہیں۔ آپ کے سوا کوئی پرستش کا مستحق نہیں۔ آپ ہمیشہ زندہ رہنے والے اور ہر شے کو قائم فرمانے والے ہیں۔ اور یقیناً جو مجھ میں داخل ہوا، سعادت و فیروز مند ہوا۔ اللہ عزوجل نے فرمایا میں اپنی عزت اور مخلوق پر اپنی بڑائی کی قسم اٹھاتا ہوں ! کہ اے جنت تجھ میں زناء پر مصر شخص ہر وقت شراب کا دھت اور چغل خور داخل نہ ہوں گے۔ (الشیرازی فی الالقاب بروایت انس (رض))