Kanz al-Ummal: Hadith 2043

2043 ۔۔ میں تمہارے لیے اس سے سہل و آسان اور افضل چیز بتاتا ہوں۔
سبحان اللہ عدد ما خلق فی السماء سبحان اللہ عدد ما خلق فی الارض سبحان اللہ عدد ما ھو خالق واللہ اکبر مثل ذلک الحمد للہ مثل ذالک ولا حول ولا قوۃ الا باللہ مثل ذالک۔
آسمانوں میں جو پیدا کیا، اس کے بقدر اللہ کی پاکی بیان کرتا ہوں۔ زمین میں جو پیدا کیا۔ اس کے بقدر اللہ کی پاکی بیان کرتا ہوں اور آئندہ اللہ پاک جو پیدا فرمانے والے ہیں اس کے بقدر اللہ کی پاکی بیان کرتا ہوں۔ اور اللہ اکبر بھی اسی کے مثل۔ الحمد للہ بھی اسی کے مثل۔ لا حول ولا قوۃ الا باللہ بھی اسی کے مثل۔ (ابو داؤد )
عائشہ بنت سعد بن ابی وقاص اپنے والد (رض) سے روایت کرتی ہیں کہ آپ (صلی اللہ علیہ وآلہ وسلم) ایک عورت کے پاس تشریف لائے تو دیکھا کہ اس کے آگے گٹھلیاں اور کنکریاں رکھی ہیں اور وہ ان پر تسبیح کر رہی ہے۔ تو آپ (صلی اللہ علیہ وآلہ وسلم) نے مذکورہ جواب ارشاد فرمایا۔