Kanz al-Ummal: Hadith 20464

20464 ۔۔۔ امام کو اس لیے آگے کیا جاتا ہے کہ اس کی پیروی کی جائے ۔ لہٰذا جب وہ تکبیر کہے تو تم بھی تکبیر کہو ، جب وہ رکوع کرے تم بھی رکوع کرو، جب وہ سر اٹھائے تو تم بھی سر اٹھاؤ ، اور جب امام کہے : ” سمع اللہ لمن حمدہ “ تو تم کہو : ” اللہم ربنا لک الحمد “۔ جب امام سجدہ کرے تو سجدہ کرو اور جب امام بیٹھ کر نماز پڑھے تو تم بھی سب بیٹھ کر نماز پرھو۔ (مؤطا امام مالک ، البخاری ، مسند احمد ، ابو داؤد عن انس (رض) ، البخاری ، مسلم ، ابو داؤد ، ابن ماجہ عن عائشۃ (رض))