Kanz al-Ummal: Hadith 21018

21018 ۔۔۔ جو مؤذن کو اذان دیتا سنے اور اسی طرح کہے جس طرح وہ کہہ رہا ہے ، پھر یہ دعا پڑھے : رضیت باللہ ربا وبالاسلام دینا وبمحمد نبیا وبالقرآن اماما وبالکعبۃ قبلۃ اشھد ان لا الہ الا اللہ وحدہ لا شریک لہ واشھد ان محمدا عبدہ ورسولہ اللہم اکتب شھادتی ھذہ فی علیین ، واشھد علیھا ملائکتک المقربین ، وانبیاء المرسلین وعبادک الصالحین واختم علیھا بآمین واجعلھا لی عندک عھدا توفنیہ یوم القیامۃ انک لا تخلف المیعاد “۔ میں راضی ہوں اللہ کے رب ہونے پر ، اسلام کے دین ہونے پر محمد (صلی اللہ علیہ وآلہ وسلم) کے نبی ہونے پر ، قرآن کے امام (پیشوا) ہونے پر اور کعبہ کے قبلہ ہونے پر ، میں شہادت دیتا ہوں کہ محمد اس کے بندے اور اس کے رسول ہیں ، اے اللہ ! میری یہ شہادت علیین میں لکھ دے ، اپنے ملائکہ ، مقربین ، اپنے انبیاء مرسلین اور اپنے بندگان صالحین کو اس پر گواہ بنا اور آمین یعنی قبولیت کی اس پر مہر لگا دے ۔ اور اس کو اپنے پاس وعدہ رکھ لے ، جس کو تو قیامت کے دن مجھے پورا کر دے ، بیشک تو وعدہ خلافی نہیں کرتا ۔ تو اس کہنے والے کے لیے عرش کے نیچے سے ایک وثیقہ گرتا ہے جس میں اس کے لیے جہنم سے امان لکھی ہوتی ہے۔ (الدعوات للبیہقی ، ابن صصری فی امالیہ ، عن ابوہریرہ (رض))