Kanz al-Ummal: Hadith 21789

21791 ۔۔۔ زہری کی روایت ہے کہ ہم عمر بن عبدالعزیز (رح) کے ساتھ رہا کرتے تھے ایک مرتبہ عصر کی نماز میں تاخیر ہوگئی تو عمر بن عبدالعزیز (رح) سے عروہ کہنے لگے : مجھے بشیر بن ابی مسعود انصاری نے انصاری نے حدیث سنائی ہے کہ ایک مرتبہ مغیرہ (رض) نے عصر کی نماز تاخیر سے پڑھی مغیرہ اس وقت کوفہ کے گورنر تھے ان کے پاس ابو مسعود انصاری (رح) داخل ہوئے اور کہا اے مغیرہ بخدا ! مجھے علم ہے کہ ایک مرتبہ جبرائیل (علیہ السلام) تشریف لائے اور نماز پڑھی ان کے ساتھ رسول اللہ (صلی اللہ علیہ وآلہ وسلم) اور لوگوں نے بھی نماز پڑھی پھر جبرائیل تشریف لائے اور آپ (صلی اللہ علیہ وآلہ وسلم) اور لوگوں نے بھی ان کے ساتھ نماز پڑھی بشیر بن ابو مسعود (رض) نے پانچ نمازوں کا ذکر کیا پھر کہا کہ مجھے اسی طرح حکم دیا گیا ہے۔ عمر بن عبدالعزیز (رح) نے کیا : اے عروہ ! ذرا غور کرو تم کیا کہہ رہے ہو ؟ کیا جبرائیل (علیہ السلام) نے ہی نماز کا وقت مقرر کیا ہے ؟ عروہ کہنے لگے بشیر بن ابی مسعود اپنے والد سے مروی حدیث یوں ہی سناتے تھے ۔ (رواہ عبدالرزاق) ۔