Kanz al-Ummal: Hadith 2187

2187 ۔۔ کہو اللہ ! محمد اور آل محمد پر درود نازل فرما جیسے آپ نے ابراہیم اور آل ابراہیم پر درود نازل فرمایا۔ اے اللہ ! محمد اور آل محمد پر رحمت نازل فرما جیسے آپ نے ابراہیم اور آل ابراہیم پر رحمت نازل فرمائی ۔ اے اللہ ! محمد اور آل محمد پر برکت نازل فرما جیسے آپ نے ابراہیم اور آل ابراہیم پر برکت نازل فرمائی۔ بیشک اپ سزاوار حمد اور بزرگ ہستی ہیں۔
اور سلام کس طرح بھیجو گے وہ تم کو معلوم ہے۔ (ابن عساکر بروایت الحکیم بن عبداللہ عن القاسم عن عائشۃ (رض))
پس منظر ! حضرت عائشہ (رض) سے مروی ہے فرمایا کہ صحابہ کرام (رض) نے آپ (صلی اللہ علیہ وآلہ وسلم) سے عرض کیا یا رسول اللہ ! ہمیں جمعہ کی رات اور دن کو آپ پر کثرت سے درود پڑھنے کا حکم ہوا ہے۔ اور ہمارے پڑھنے کا سب سے اچھا درود وہی ہے جو آپ پسند کریں تو آپ بتائیے ہم کونسا درود پڑھیں تب آپ (صلی اللہ علیہ وآلہ وسلم) نے ارشاد بالا فرمایا۔
اس روایت کا راوی الحکم انتہائی جھوٹا شخص ہے۔ امام احمد (رح) فرماتے ہیں اس کی تمام مرویات من گھڑت ہیں۔