Kanz al-Ummal: Hadith 2202

2202 ۔۔ تمہارے دنوں میں سب سے افضل جمعہ کا دن ہے۔ اسی میں آدم کی تخلیق ہوئی۔ پھر اسی میں ان کی روح قبض ہوئی۔ اسی میں صور اول و ثانی پھونکا جائے گا۔ سو اس دن مجھ پر کثرت سے درود پڑھو، تمہارا درود مجھ پر پیش کردیا جاتا ہے۔ صحابہ کرام (رض) نے عرض کیا یا رسول اللہ ! ہمارا درود پڑھنا آپ پر کیسے پیش کیا جائے گا جبکہ آپ بوسیدہ ہوچکے ہوں گے ؟ فرمایا اللہ نے زمین پر انبیاء کے جسم حرام فرما دیے ہیں۔ (مسند احمد، ابن ابی شیبہ، النسائی، ابو داؤد ، ابن ماجہ ، الدارمی، ابن خزیمہ ، الصحیح لابن حبان، المستدرک للحاکم، الکبیر للطبرانی (رح)، السنن للبیہقی (رح)، السنن لسعید بروایت اوس بن اوس الثقفی)
مصنف نے یہی روایت " کتاب الصلاۃ " میں بیان کی تو وہاں شداد بن اوس راوی کا حوالہ دیا ہے۔ امام مزنی (رح) فرماتے ہیں یہ مصنف کا وہم ہے۔