Kanz al-Ummal: Hadith 2214

2214 ۔۔ مجھے جبرائیل (علیہ السلام) نے خبر دی ہے کہ جو شخص مجھ پر ایک مرتبہ درود پڑھے گا اللہ تعالیٰ اس پر دس بار رحمتیں بھیجے گا۔ (الضعفاء للعقیلی (رح) فی تاریخہ بروایت عبدالرحمن بن عوف)
پس منظر ۔۔۔ حضور (صلی اللہ علیہ وآلہ وسلم) نے ایک مرتبہ سجدہ انتہائی طویل فرمایا۔ پھر جب آپ (صلی اللہ علیہ وآلہ وسلم) نے سجدہ سے سر اقدس اٹھایا تو آپ سے اس کا سبب پوچھا گیا تو آپ نے اس حدیث کے مانند الفاظ ارشاد فرمائے۔ علامہ عقیلی (رح) فرماتے ہیں یہ حدیث صحیح ہے اور شیخین کی شرائط پر اترتی ہے۔ لیکن مصنف (رح) فرماتے ہیں کہ سجدہ شکر کے متعلق اضافہ بھی صحت کو پہنچتا ہے یا نہیں واللہ اعلم۔