Kanz al-Ummal: Hadith 22214

22214 ۔۔۔ عبدالرحمن بن ہرمزاعرج کہتے ہیں میں نے حضرت ابوہریرہ (رض) کو کہتے سنا جس وقت کہ امام رکوع سے سر اٹھاتا ہے چنانچہ انھوں نے کہا ” سمع اللہ لمن حمدہ “۔ اس کے بعد ۔ ” ربنا لک الحمد “۔ کہا ۔ (رواہ عبدالرزاق) فائدہ : ۔۔۔ اوپر اس مضمون کی اکثر احادیث گزر چکی ہیں جن سے یہ بات مترشح ہوتی ہے کہ امام کو ” سمع اللہ لمن حمدہ “۔ اور۔ ” ربنا لک الحمد “۔ دونوں کلمات کہنے چاہئیں جب کہ تین چار احادیث کے بعد حضرت عبداللہ ابن مسعود (رض) کی حدیث آئے گی جس سے ظاہر ہوگا کہ ” سمع اللہ لمن حمدہ “۔ امام کو کہنا چاہیے اور ۔ ” ربنا لک الحمد “۔ مقتدی کو کہنا چاہیے چنانچہ اس مضمون کی احادیث بھی کثیر ہیں کتب فقہ میں فتوی اسی پر ہے کہ ” سمع اللہ لمن حمدہ “۔ وظیفہ امام ہے اور ” ربنا لک الحمد “۔ مقتدی کا وظیفہ ہے اس مسئلہ میں ائمہ کا اختلاف ہے تفصیل کے لیے کتب فقہ کو دیکھ لیا جائے ۔