Kanz al-Ummal: Hadith 2225

2225 ۔۔ اور مجھے کیا مانع ہے ؟ جبکہ جبرائیل (علیہ السلام) ابھی میرے ہاں سے نکل کر گئے ہیں۔ انھوں نے مجھے خوشخبری دی ہے، کہ جو بندہ مجھ پر ایک بار درود بھیجے، اس کے لیے دس نیکیاں لکھی جائیں گی اور اس کے دس درجات بلند کیے جائیں گے اور اس کی دس برائیاں مٹا دی جائیں گی۔ نیز جیسے اس نے درود پڑھا، وہ اسی طرح مجھ کو پیش کردیا جائے گا اور اس کا جواب بھی مجھ پر لوٹایا جائے گا (عبدالرزاق بروایت ابی طلحۃ (رض) )
ابی طلحہ (رض) فرماتے ہیں میں نبی اکرم (صلی اللہ علیہ وآلہ وسلم) کی خدمت میں حاضر ہوا تو دیکھا کہ آپ انتہائی مسرور و خوش ہیں۔ میں نے وجہ پوچھی تو آپ (صلی اللہ علیہ وآلہ وسلم) نے مذکورہ جواب ارشاد فرمایا۔