Kanz al-Ummal: Hadith 22505

22505 ۔۔۔ قاسم بن عبدالرحمن (رض) کہتے ہیں : ایک مرتبہ ولید بن عقبہ نے نماز میں تاخیر کردی تو ابن مسعود (رض) نے موذن کو حکم دیا اس نے نماز کھڑی کرنے کا اعلان کردیا پھر ابن مسعود (رض) نے آگے بڑھ کر نماز پڑھا دی ، جب ولید بن عقبہ کو پتہ چلا تو اس نے ابن مسعود (رض) کو پیغام بھیجا کہ آپ نے یہ کیا کیا ؟ کیا آپ کے پاس امیر المؤمنین کا کوئی نیا حکم پہنچا ہے یا پھر آپ سے بدعت سرزد ہوگئی ہے ؟ ابن مسعود (رض) نے جواب دیا : اس میں سے کچھ بھی نہیں ہوا لیکن اللہ تبارک وتعالیٰ اور اس کے رسول نے ہمیں منع کیا ہے کہ ہم اپنی نماز میں تمہارا انتظار کریں درآں حالیکہ تم اپنے کام میں مشغول ہو ۔ (عبدالرزاق فی مصنفہ)