Kanz al-Ummal: Hadith 22523

22523 ۔۔۔ ” مسند اسامہ بن زید “ حضرت اسامہ بن زید (رض) کی روایت ہے کہ رسول اللہ (صلی اللہ علیہ وآلہ وسلم) نے مرض وفات میں فرمایا کہ میرے صحابہ کرام رضوان اللہ تعالیٰ عنہم اجمعین کو میرے پاس لاؤ چنانچہ صحابہ کرام رضوان اللہ تعالیٰ عنہم اجمعین آپ (صلی اللہ علیہ وآلہ وسلم) کے پاس حاضر ہوئے درآں حالیکہ آپ (صلی اللہ علیہ وآلہ وسلم) نے چہرہ اقدس پر معافری چادر ڈال رکھی تھی پھر آپ نے چہرہ اقدس سے کپڑا ہٹا کر فرمایا اللہ تبارک وتعالیٰ یہود و نصاری پر لعنت کرے انھوں نے اپنے انبیاء کی قبروں کو سجدہ گاہ بنا لیا ہے۔ (الطبرانی ، الامام احمد بن حنبل و ابونعیم فی المعرفہ و سعید بن المنصور واخرجہ مسلم فی کتاب المساجد)