Kanz al-Ummal: Hadith 22655

22655 ۔۔۔ حضرت ابوہریرہ (رض) کی روایت ہے کہ رسول اللہ جب نماز کے لیے کھڑے ہوتے تکبیر کہتے اور جب رکوع کرتے تکبیر کہتے پھر ” سمع اللہ لمن حمدہ “۔ کہتے اور سیدھے کھڑے ہوجاتے اور کھڑے کھڑے کہتے ” ربنا ولک الحمد ‘۔ پھر جب سجدہ کے لیے جھکتے تو تکبیر کہتے پھر سجدہ سے سر اٹھاتے ہوئے تکبیر کہتے ، پھر جب دوسرے سجدہ کے لیے جاتے تکبیر کہتے پھر جب سجدہ سے سر اٹھاتے تو تکبیر کہتے پھر پوری نماز میں اسی طرح کرتے حتی کہ نماز پوری کرلیتے ، دو رکعتوں میں بیٹھنے کے بعد اگر اٹھنا ہوتا تو اٹھتے وقت پھر تکبیر کہتے ۔ (رواہ عبدالرزاق، والبخاری ومسلم ، وابودادؤ، والنسائی)