Kanz al-Ummal: Hadith 22671

22671 ۔۔۔ حضرت عائشۃ صدیقہ (رض) کی روایت ہے کہ ایک رات میں نے حضور اکرم (صلی اللہ علیہ وآلہ وسلم) کو گم پا کر تلاش کرنا شروع کیا اتنے میں میرے ہاتھ آپ (صلی اللہ علیہ وآلہ وسلم) کے قدموں پر لگے اور آپ (صلی اللہ علیہ وآلہ وسلم) سجدہ میں یہ دعا پڑھ رہے تھے ۔ ” سبحان ربی ذی الملکوت والجبروت والکبیریاء والعظمۃ اعوذ برضاک من سخطک وبمعافاتک من عقوبتک واعوذبک منک الا احصی ثناء علیک انت کما النیت علی نفسک “۔ ” پاک ہے میرا رب جو بادشاہت اور قدرت والا ہے بڑائی اور عظمت والا ہے میں تیری رضاء کے ذریعے تیرے غصہ سے پناہ مانگتا ہوں اور تیری عفو درگزر کے ذریعے تیری عقوبت سے پناہ مانگتا ہوں میں تیرے غیظ وغضب سے تیری پناہ چاہتا ہوں میں اس طرح سے تیری ثناء نہیں کرسکتا ہوں جس طرح تو نے اپنی ثناء کی ہے۔