Kanz al-Ummal: Hadith 22838

22838 ۔۔۔ عبید بن عمر کی روایت ہے کہ دوران حج ایک جماعت مکہ مکرمہ کے مضافات میں کسی پانی پر جمع ہوگئی اتنے میں نماز کا وقت ہوگیا اور آل ابو سائب مخزومی کا ایک آدمی (امامت کرانے کے لیے) آگے بڑھا اس کی زبان میں کچھ لکنت تھی ۔ مسور بن مخرمہ نے اسے پیچھے کیا اور ایک اور آدمی کو آگے بڑھا دیا ۔ سیدنا حضرت عمر ابن خطاب (رض) کو معاملہ سے آگاہی نہ ہوئی حتی کہ مدینہ پہنچ گئے اور جب مدینہ منورہ پہنچے تو اس واقعہ کا پتہ چلا اور مسور کہنے لگے : یا امیر المؤمنین ! اس آدمی کی زبان میں لکنت تھی مجھے خدشہ تھا کہ کوئی حاجی اس کی قرات سن لے گا اور پھر اس کی قرات اختیار کرے گا ۔ آپ (رض) نے فرمایا : کیا تم وہاں گئے ہو مسور نے جواب دیا جی ہاں : فرمایا تم نے جو کچھ کیا درست کیا ۔ (رواہ عبدالرزاق ، والبیہقی)