Kanz al-Ummal: Hadith 22933

22933 ۔۔۔ حسن بصری (رح) نقل کرتے ہیں کہ حضرت سمرہ بن جندب (رض) لوگوں کو نماز پڑھایا کرتے تھے اور نماز میں دو سکتے کرتے تھے ۔ 1 ۔۔۔ نماز کے لیے تکبیر تحریمہ کہتے وقت ۔ 2 ۔۔۔ اور جب سورت فاتحہ کی قرات سے فارغ ہوتے ۔ یسا کرنے کی وجہ سے لوگ آپ کو عیب کی نظر سے دیکھتے چنانچہ آپ (رض) نے حضرت ابی بن کعب (رض) کو خط لکھا کہ ایسا کرنے پر لوگ مجھے عیب کی نظر سے دیکھتے ہیں : شاید حقیقت حال میں بھول چکا ہوں اور انھیں یاد ہو یا مجھے یاد ہے اور یہ بھول چکے ہیں ، حضرت ابی (رض) نے جواب لکھا کہ نہیں حقیقت حال آپ کو یاد ہے اور یہ لوگ بھول چکے ہیں۔ (رواہ عبدالرزاق) فائدہ : ۔۔۔ نماز میں سکتہ کرنے کا مطلب یہ ہے کہ تھوڑی دیر کے لیے وقفہ کرلیا جائے ۔