Kanz al-Ummal: Hadith 22976

22976 ۔۔۔ سیدنا حضرت علی المرتضی (رض) فرماتے ہیں کہ میں ظہر اور عصر کی نماز میں امام کے پیچھے ہر رکعت میں ام الکتاب (سورت فاتحہ) اور کوئی دیگر سورت پڑھ لیتا ہوں ۔ (رواہ البیہقی فی القراۃ) فائدہ : ۔۔۔ بیہقی (رح) کہتے ہیں اس حدیث کی سند دنیا بھر کی اسانید سے صحیح ترین ہے ، بہرحال اس حدیث کی سند سے انکار ہے جہاں قرات خلف الامام میں وارد احادیث صحیح الاسناد ہیں وہاں عدم قرات میں بھی صحیح ترین احادیث ہیں ، یہ امام بیہقی (رح) کا مزاج ہے کہ جہاں اپنے مسلک کے موافق حدیث آتی ہے تو برملا جذبات میں آجاتے ہیں اور جہاں مخالف حدیث میں معمولی سا نکتہ نظر آتا ہے اسے آنکھ کا شیشہ بنا دیتے ہیں جیسے کہ بلال بن ابی رباح کی حدیث 22946 میں اس کا مشاہدہ ہوا ہے۔ الغرض دونوں طرف مضبوط دلائل بھی موجود ہیں اور کمزور بھی ” ونقول من فل فقد احسن ومن لا فھو ایضا قد احسن “۔