Kanz al-Ummal: Hadith 23043

23043 ۔۔۔ حضرت انس بن مالک (رض) روایت کرتے ہیں کہ میری دادی ملیکہ نے حضور اکرم (صلی اللہ علیہ وآلہ وسلم) کو کھانے پر مدعو کیا چنانچہ آپ (صلی اللہ علیہ وآلہ وسلم) نے کھانا تناول کیا اور پھر فرمایا : کھڑے ہوجاؤ تاکہ ہم تمہارے لیے نماز پڑھیں ۔ ہمارے ہاں ایک چٹائی تھی جو پرانی ہونے کی وجہ سے سیاہی مائل ہوگئی تھی میں نے اسے پانی سے صاف کیا رسول کریم (صلی اللہ علیہ وآلہ وسلم) نماز کے لیے کھڑے ہوئے جب کہ میں نے اور یتیم نے آپ (صلی اللہ علیہ وآلہ وسلم) کے پیچھے صف بنا لی اور بڑھیا ہمارے پیچھے کھڑی ہوگئی آپ (صلی اللہ علیہ وآلہ وسلم) نے ہمیں دو رکعت نماز پڑھائی اور پھر ہمارے ہاں سے تشریف لے گئے ۔