Kanz al-Ummal: Hadith 23175

23175 ۔۔۔ حضور اکرم (صلی اللہ علیہ وآلہ وسلم) کے آزاد کردہ غلام ثوبان (رض) کی روایت ہے کہ ایک مرتبہ میں نے اذان دی اور پھر حضور اکرم (صلی اللہ علیہ وآلہ وسلم) کے پاس حاضر ہوا اور میں نے عرض کیا : یا رسول اللہ (صلی اللہ علیہ وآلہ وسلم) میں نے اذان دے دی ہے۔ حکم ہوا اذان مت دو حتی کہ تم صبح کے آثار دیکھ نہ لو ، میں پھر اسی طرح آپ (صلی اللہ علیہ وآلہ وسلم) کے پاس آیا اور عرض کیا ! میں اذان دے چکا ہوں فرمایا : اذان مت دو حتی کہ فجر کو دیکھ نہ لو میں پھر آپ (صلی اللہ علیہ وآلہ وسلم) کے پاس تیسری بار حاضر ہوا اور عرض کیا : میں اذان دے چکا ہوں ۔ فرمایا : اذان مت دو حتی کہ تم یوں فجر کو دیکھ نہ لو ۔ چنانچہ آپ (صلی اللہ علیہ وآلہ وسلم) نے دونوں ہاتھ جمع کر کے پھیلا دیئے ۔ (رواہ عبدالرزاق)