Kanz al-Ummal: Hadith 23466

23466 ۔۔۔ عبدالرحمن بن عبدالقاری کہتے ہیں میں رمضان میں ایک رات سیدنا حضرت عمر ابن خطاب (رض) کے ساتھ مسجد کی طرف گیا ہم کیا دیکھتے ہیں کہ لوگ مختلف ٹولیوں میں الگ الگ نماز پڑھ رہے ہیں ، چنانچہ ایک آدمی نماز پڑھ رہا ہے اور اس کی اقتداء میں چند آدمی نماز پڑھ رہے ہیں اس حالت کو دیکھ کر سیدنا حضرت عمر ابن خطاب (رض) نے فرمایا : میری رائے ہے کہ اگر ان لوگوں کو ایک قاری کے پیچھے جمع کردوں تو بہت اچھا ہوگا پھر آپ (رض) نے اس رائے کے نفاذ کا پختہ عزم کرلیا اور سب لوگوں کو حضرت ابی بن کعب (رض) کے پیچھے جمع کیا اس کے بعد ایک رات پھر میں آپ (رض) کے ساتھ مسجد میں گیا لوگ اپنے ایک قاری کے پیچھے نماز میں مشغول تھے، عمر (رض) نے فرمایا : یہ نیا طریقہ بہت اچھا ہے یہ لوگ رات کے جس حصہ میں سو جاتے ہیں وہ رات کے اس حصہ سے بدرجہا افضل ہے جس میں یہ کھڑے رہتے ہیں۔ یعنی رات کے اول حصہ میں نماز کے لیے کھڑے رہتے ہیں اور آخری حصہ کو جو کہ افضل ہے میں سو جاتے ہیں۔ مرواہ مالک وعبدالرزاق والبخاری وابن جریر وابن خزیمۃ والبیہقی وجعفر الفریابی فی السنن)