Kanz al-Ummal: Hadith 23527

23527 ۔۔۔ حضرت عبداللہ ابن عمرو (رض) کی روایت ہے کہ حضور اکرم (صلی اللہ علیہ وآلہ وسلم) کے ور میں جس دن آپ (صلی اللہ علیہ وآلہ وسلم) کے فرزند ابراہیم فوت ہوئے اس دن سورج گرہن ہوا لوگوں نے کہا : ابراہیم کی موت کی وجہ سے سورج گرہن ہوا ہے رسول اللہ (صلی اللہ علیہ وآلہ وسلم) مسجد میں تشریف لائے نماز پڑھی اور طویل قیام کیا حتی کہ کہا جانے لگا کہ آپ (صلی اللہ علیہ وآلہ وسلم) رکوع نہیں کریں گے پھر رکوع کیا حتی کہ کہا جانے لگا کہ آپ رکوع سے نہیں اٹھیں گے ، پھر آپ (صلی اللہ علیہ وآلہ وسلم) اوپر اٹھے اور پہلے کی طرح طویل قیام کیا یوں آپ (صلی اللہ علیہ وآلہ وسلم) نے چار رکوع اور دو سجدے کیے پھر فرمایا : اے لوگو سورج اور چاند اللہ تعالیٰ کی نشانیاں ہیں یہ کسی آدمی کی موت وحیات کی وجہ سے گرہن نہیں ہوتے جب تم سورج اور چاند کو گرہن ہوتے دیکھو تو فورا نماز کے ذریعے اللہ کی پناہ مانگو ۔ (رواہ ابن جریر)