Kanz al-Ummal: Hadith 24076

24076 ۔۔۔ نبی کریم (صلی اللہ علیہ وآلہ وسلم) نے ارشاد فرمایا : میں تمہارے پاس آیا درآنحالیکہ میرے لیے لیلۃ القدر اور مسیح ضلالت واضح کردیئے گئے تھے لیکن مسجد کے دروازہ پر دو آدمیوں کے درمیان جھگڑا ہو رہا تھا میں ان کے پاس آیا تاکہ ان دونوں کے بیچ رکاوٹ بن جاؤ (اور ان کا جھگڑا ختم کر دوں) اسی اثناء میں لیلۃ القدر کی تعیین مجھے بھلا دی گئی ، میں عنقریب ان دونوں (لیلۃ القدر اور مسیح ضلالت) کے بارے میں بتاتاہوں ۔ رہی بات لیلۃ القدر کی سو اسے آخری عشرہ کی طاق راتوں میں تلاش کرو ، اور رہی بات مسیح ضلالت (دجال) کی سو وہ ایک آنکھ سے کانا ہوگا اس کی پیشانی باہر نکلی ہوئی ہوگی اس کا سینہ چوڑا ہوگا وہ کبڑا یعنی آگے کو جھکا ہوا وہ گا وہ دیکھنے میں عبدالعزی بن قطن کے مشابہ ہے ، عبدالعزی (رض) بولے : یا رسول اللہ (صلی اللہ علیہ وآلہ وسلم) کیا اس کی مشابہت میرے لیے باعث ضرر ہے ؟ فرمایا نہیں چونکہ تو مسلمان ہے اور وہ کافر ہے۔ مرواہ احمد ، عن ابوہریرہ (رض))