Kanz al-Ummal: Hadith 24193

24193 ۔۔۔ نبی کریم (صلی اللہ علیہ وآلہ وسلم) نے ارشاد فرمایا : حضرت آدم سے جب اللہ تبارک وتعالیٰ کی نافرمانی سرزد ہوئی اور ممنوعہ درخت کا پھل کھالیا تو اللہ تبارک وتعالیٰ نے انھیں حکم دیا : اے آدم عن ابوہریرہ (رض) میری عزت والے ٹھکانے اور پڑوس سے چلے جاؤ چونکہ میری معصیت کا مرتکب میرے پڑوس میں نہیں رہ سکتا چنانچہ آدم (علیہ السلام) زمین پر اتر آئے اور ان کے چہرے کی رنگت سیاہ پڑگئی تھی آدم (علیہ السلام) کی یہ حالت دیکھ کر فرشتے رودیئے اور پکار کر کہنے لگے : اے ہمارے پروردگار ! ایک مخلوق کو تو نے اپنے ہاتھ سے پیدا کیا اسے اپنی جنت میں ٹھہرایا اور فرشتوں سے اس کے آگے سجدہ کرایا بھلا اس کے ایک گناہ کی وجہ سے اس کے چہرے کی سفیدی بدل ڈالی چنانچہ اللہ تعالیٰ نے آدم (علیہ السلام) کو حکم دیا کہ : اے آدم ! میرے لیے اس دن یعنی تیرا تاریخ کا روزہ رکھو آدم (علیہ السلام) نے اس دن روزہ رکھا چنانچہ آدم (علیہ السلام) کے چہرے کا تہائی حصہ سفید ہوگیا اللہ تعالیٰ نے پھر حکم دیا : اے آدم میرے لیے اس دن یعنی 14 تاریخ کا روزہ رکھو آدم (علیہ السلام) نے اس دن روزہ رکھا اور اس کا دوتہائی حصہ سفید ہوگیا اللہ تعالیٰ نے پھر حکم دیا کہ اے آدم ! میرے لیے اس دن یعنی 15 تاریخ کا روزہ رکھو آدم (علیہ السلام) نے اس دن روزہ رکھا اور ان کا پورا چہرہ (اور پورا جسم) سفید ہوگیا اور چمکنے لگا اسی مناسبت سے ان دونوں کو ایام بیض کے نام سے موسوم کیا گیا ۔ (رواہ الخطیب فی امالیہ وابن عساکر عن ابن مسعود (رض) مرفوعا وموقوفا) کلام : ۔۔۔ ابن جوزی (رح) نے یہ حدیث موضوعات میں ذکر کی ہے اور لکھا ہے کہ اس کی سند میں بہت سارے مجہول روای ہیں۔