Kanz al-Ummal: Hadith 24272

24272 ۔۔۔ نبی کریم (صلی اللہ علیہ وآلہ وسلم) نے ارشاد فرمایا : امام شعبی (رح) روایت نقل کرتے ہیں کہ جب رمضان آتا تو حضرت علی (رض) خطاب فرماتے اور پھر کہتے یہ بابرکت مہینہ ہے اللہ تبارک وتعالیٰ نے اس کے روزے فرض کیے ہیں اور اس کے قیام کو فرض نہیں کیا تاکہ کوئی آدمی یوں کہنے سے گریز کرے کہ جب فلاں شخص روزہ رکھے گا میں بھی رکھوں گا اور جب فلاں شخص افطار کرے گا میں بھ کروں گا خبردار ! صرف کھانے پینے سے رکے رہنے کا نام روزہ نہیں ہے لیکن (اس کے ساتھ ساتھ ) جھوٹ باطل اور لغویات سے بچنا بھی ضروری ہے خبردار رمضان آنے سے قبل (رمضان کے ) روزے مت رکھو جب چاند دیکھو روزے رکھو اور جب چاند دیکھو افطار کرو اگر مطلع ابر آلود ہوجائے تو گنتی پوری کرو امام شعبی (رح) کہتے ہیں حضرت علی (رض) نماز فجر اور نماز عصر کے بعد یہ بیان فرماتے تھے (رواہ البیھقی ) کلام :۔۔۔ اس حدیث کی سند میں حسین بن یحییٰ قطان ہے جو متکلم فیہ راوی ہے