Kanz al-Ummal: Hadith 24319

24319 ۔۔۔ ” مسند علی (رض) “ احمد بن منصور کہتے ہیں : مجھے ایک آدمی نے خبر دی ہے جو سفیان بن عینیہ کے پاس حاضر تھا اور سفیان بن عینیہ کے پاس وکیع بن جراح اور یحییٰ بن آدم بھی تھے ، ابن عینیہ نے وکیع (رح) سے کہا : اے ابو سفیان سیدنا حضرت عمر ابن خطاب (رض) ذی الحجہ میں رمضان کی قضاء کو کیوں مکروہ سمجھتے تھے ؟ وکیع (رح) نے جواب دیا : چونکہ یہ ایام عظمت ہیں اس لیے سیدنا حضرت عمر ابن خطاب (رض) نے چاہا وہ اکیلے ہی ان دنوں کے روزے رکھیں ۔ ابن عینیہ نے یحییٰ بن آدم سے کہا : اے ابو زکریا آپ بھی یہی کہتے ہیں : جواب دیا نہیں کہا : پھر آپ کیا کہتے ہیں : یحییٰ (رح) نے جواب دیا : کیا آپ نہیں جانتے کہ سیدنا حضرت عمر ابن خطاب (رض) فرمایا کرتے تھے کہ رمضان کی قضاء لگا تار کی جائے ؟ کہا جی ھاں یحییٰ (رح) نے کہا : اسی لیے سیدنا حضرت عمر ابن خطاب (رض) ذی الحجہ میں رمضان کی قضاء مکروہ سمجھتے تھے چونکہ ذی الحجہ میں قربانی کا دن بھی آتا ہے اور اس میں روزہ رکھنا جائز نہیں یہ جواب ابن عینیہ (رح) کو بہت پسند آیا ۔ (رواہ عبیداللہ ابن زیادہ الکاتب فی امالیہ)