Kanz al-Ummal: Hadith 24324

24324 ۔۔۔ حضرت ابوہریرہ (رض) کہتے ہیں : ایک مرتبہ حضور اکرم (صلی اللہ علیہ وآلہ وسلم) کے پاس بیٹھا ہوا تھا اتنے میں ایک آدمی آیا اور کہنے لگا : یا رسول اللہ (صلی اللہ علیہ وآلہ وسلم) میں ہلاک ہوگیا آپ (صلی اللہ علیہ وآلہ وسلم) نے فرمایا تیرا ناس ہو تجھے کیا ہوا ؟ عرض کیا : میں رمضان میں اپنی بیوی کے ساتھ ہمبستری کر بیٹھا ، حکم ہوا غلام آزاد کرو ، عرض کیا : میرے پاس غلام نہیں ہے : حکم ہوا پھر لگاتار دو مہینے روزے رکھو کہا : میں اس کی طاقت نہیں رکھتا ہوں ، فرمایا : پھر ساٹھ مسکینوں کو کھانا کھلاؤ ، راوی نے پوری حدیث بیان کی اور آخر میں اس آدمی نے کہا مدینہ کے دو پہاڑوں کے درمیان مجھ سے زیادہ محتاج کوئی نہیں ہے : حضرت ابوہریرہ (رض) کہتے ہیں رسول کریم (صلی اللہ علیہ وآلہ وسلم) اس پر ہنس دیئے حتی کہ آپ (صلی اللہ علیہ وآلہ وسلم) کے دانت مبارک بھی دکھائی دینے لگے ، پھر آپ (صلی اللہ علیہ وآلہ وسلم) نے فرمایا : یہ (کھجوریں) لے لو اور اپنے رب سے مغفرت طلب کرو (رواہ ابن عساکر)