Kanz al-Ummal: Hadith 24621

24621 ۔۔۔ سلمہ بن نباتہ کہتے ہیں کہ حضرت ابوذر (رض) سے ہماری ملاقات ہوئی ان سے ایک آدمی نے اس شخص کے متعلق پوچھا جو بجز عید الفطر اور عید الاضحی کے عمر بھر روزے رکھے حضرت ابوذر (رض) نے فرمایا : اس نے روزہ رکھا اور نہ ہی افطار کیا اس شخص نے آپ (رض) سے دوبارہ یہی سوال دہرایا آپ (رض) نے پھر یہی جواب دیا ، چنانچہ کسی نے آپ (رض) سے پوچھا : آپ کیسے روزہ رکھتے ہیں ؟ فرمایا : مجھے اپنے رب سے امید ہے کہ میں عمر بھر کے روزے رکھنے کے حکم میں آجاؤں اس آدمی نے کہا : یہی تو وہ چیز ہے جس کا عیب آپ اپنے ساتھی پر تھوپ رہے تھے فرمایا : ہرگز نہیں ، میں تو ہر مہینہ میں تین دن روزہ رکھتا ہوں اور مجھے اپنے رب تعالیٰ سے امید ہے کہ وہ ہر دن کے بدلہ میں مجھے دس دن کے روزوں کا ثواب عطا فرمائے گا ، اور یہ عمر بھر کے روزوں کے مترادف ہے چونکہ اللہ تعالیٰ کا فرمان ہے۔ مآیت)” من جاء بالحسنۃ فلہ عشرامثالھا “۔ یعنی جو ایک نیکی اپنے ساتھ لایا اسے دس نیکیوں کا ثواب ملے گا ۔ (رواہ ابن جریر)