Kanz al-Ummal: Hadith 25096

25096 ۔۔۔ جو شخص خادم خریدے اسے چاہیے کہ وہ اپنا ہاتھ خادم کی پیشانی پر رکھے اور یہ دعا پڑھے ۔ ” اللہم انی اسئلک من خیرہ وخیر ماجبلتہ علیہ واعوذبک من شرہ وشر ماجبلتہ علیہ “۔ ” اللہ میں تجھ سے اس کی اور اس کی فطرت کی خیر و برکت کا سوال کرتا ہوں ، اور میں اس کے شر اور اس کی فطرت کے شر سے تیری پناہ مانگتا ہوں ۔ جب کوئی شخص جانور سواری وغیرہ خریدے اس کی پیشانی پر ہاتھ رکھ کر یہ دعا پڑھے ۔ ” اللہم افی اسالک من خیرھا وخیر ما جبل تھا علیہ واعوذبک من شرھا وشرماجبل تھا علیہ “۔ یا اللہ ! میں تجھ سے اس کی اور اس کی فطرت کی خیر و برکت کا سوال کرتا ہوں اور میں اس کے شر سے اور اس کی فطرت کے شر سے تیری پناہ مانگتا ہوں ۔ اور جب اونٹ خریدے اس کی کوہان پر ہاتھ رکھ کر یہ دعا پڑھے ۔ ” اللہم انی اسئلک من خیرہ وخیر ماجبلتہ علیہ واعوذبک من شرہ وشر ماجبلتہ علیہ “۔ ” یا اللہ میں تجھ سے اس اونٹ کی اور اس کی فطرت کی خیر و برکت کا سوال کرتا ہوں ، اور میں اس کے شر اور اس کی فطرت کے شر سے تیری پناہ مانگتا ہوں “۔ (رواہ ابن عساکر عن ابوہریرہ )